...

 

ಮಲಗಿದ್ದ ಹಾಸಿಗೆಯ ಮೇಲೆ ಹಾಕಿದ್ದ 

ಚಾದರದ ಮೇಲಿನ 

ಬಣ್ಣ ಬಣ್ಣದ ಹೂವು ಮೊಗ್ಗು 

ಎಲೆ ಹಸಿರು - ನಿಜವಲ್ಲ 

ಕಣ್ಮುಚಿದ್ದಷ್ಟೆ 

ದೇವರು, ಕಿರೀಟವೇ ಇಲ್ಲ 

ದೇವಿಯೂ, ಹಲವರು ಕೈಗಳು 

ಕೋಟೆಗೆ ಹೊತ್ತ ಕಲ್ಲುಗಳು 

(ಮಾತಾಡುತ್ತಿದ್ದವು … ) 

ಮರಕ್ಕೆ ಹಬ್ಬಿದ ಬಳ್ಳಿಯಲ್ಲರಳಿದ ಹೂ 

ಕೆಳಗೆಲ್ಲೋ ರಕ್ತದ ಕೋಡಿ 

“ಮುನ್ನಾ, ಮುನ್ನಾ, ಮುನ್ನಾ…” 

ನಂತರದ್ದೂ ಇದೆ 

ಹೆಣ್ಣು ಎಲ್ಲಿ ನೋಡಿದರಲ್ಲಿ 

ಅದೇ ಬರಡು ಭೂಮಿ 

ಹಸಿರು ನೆಲ ಜೋರು ಮಳೆ 

ಎಲ್ಲವೂ 

ಹರಿದು ಹೋದವು ಹಾಗೇ 

ಎಲ್ಲಿ ಯಾರಲ್ಲಿ? 

ಕೇಳುವವರಾದರೂ ಯಾರು?

ಹೊದ್ದ ಚಾದರವೆ ? ಅದರ ಬಣ್ಣವೆ ? 

    

ವ್ಯಕ್ತಿ ಚಿತ್ರ -೦೧

 

ಹೊಸ ಊರು, 

ಎಂಟತ್ತು ಜನ ಕೂತ ಆಟೋ 

ಹೋಗೋದೆಲ್ಲಿಗೆ, ಕೇಳೋದೇಗೆ 

ಭಾಷೆ ಗುರುತು ಇಲ್ಲದ ಜಾಗ 

ಸಂತೆಗೋ, ಜಾತ್ರೆಗೋ, ಮನೆಗೋ 

ಪರಿಭಾಣಕ್ಕೋ, ಸನ್ಯಾಸಕ್ಕೋ, ಜಂಗಮಕ್ಕೋ 

ಹೊರಟವರ?

ಅವಳು ಕೇಳಿದ್ದು 

“ನಿನ್ನ ಬಗ್ಗೆ ಕವನ ಬರೆಯಬೇಕ? 

ಹಾಡು ಬರೆಯಬೇಕ? “ 

ಇಷ್ಟಕ್ಕೂ, ಕವನಕ್ಕೂ ಹಾಡಿಗೂ ವ್ಯತ್ಯಾಸವೇನು? 

ಗಣಿತಕ್ಕೂ ಸಂಖ್ಯಾಶಾಸ್ತ್ರಕ್ಕೂ 

ಇರುವ ವ್ಯತ್ಯಾಸದಂತೆಯ ? 

ಹಳೆಯ ಕಾರಿನ ಚಾಲಕ 

ಊಟಕ್ಕೆ ಕರೆದಿದ್ದಾನೆ ಮನೆಗೆ 

ಸಿಗಬಹುದ ಹೂಗ್ಲಿ ನದಿಯ ಮೀನು 

ತಿರುಪತಿಯಲ್ಲೂ