ಹಳೇ ಆಲ್ಬಂಅಲ್ಲಿ ಕಂಡ
ಗುರುತಿಲ್ಲದ ಆ ಸಣ್ಣ ಹುಡುಗ
ಇವನೇನ?
ದಿಡೀರನೆ ಫೋಟೋ ನಡುವೆ
ಮಬ್ಬಾಗಿ ಕಂಡವನು?
ರೈಲು ಬರಲಿಕ್ಕೆ ಕಾದಿದ್ದೀನಿ
ಆ ಮುದ್ದು ಮುಖ
ಬೆಳೆದಾಗಲೂ ಹಾಗೇ ಉಂಟಲ್ಲ
ಪರಿಚಯವುಂಟೋ ಅವಗೆ ಈಗ ?
ರೇಶಿಮೆ ಲಂಗ ತೊಟ್ಟ
ಗಲ್ಲೆನ್ನುವ ಗೆಜ್ಜೆಗೆ ಸಾಥಾದ
ಜುಮುಕಿ ನಾದಕ್ಕೆ ಬೆರಗಾದ
ಆ ಪುಟ್ಟ ಹುಡುಗಿ
ಗುರುತು ಹಚ್ಚಾನ ಈಗ?
ಸ್ಥನ ಭಾರಕ್ಕೆ ಬೆನ್ನುಬಾಗಿ
ಕಬ್ಬಿಣದ ಕೋಲ ನೆಟ್ಟಿದ್ದಾರೆ
ಕಪ್ಪಾಗಿದೆ, ಮಂದಹಾಸವೇನೂ ಇಲ್ಲ
ಗೆಜ್ಜೆ ಜುಮುಕಿ ಸದ್ದೂ ಇಲ್ಲ
ನನ್ನೆಡೆಗೆ ಅವನದೊಂದು ನೋಟ ಸಾಕಿತ್ತು
ನನಗವನ ಗುರುತಿದೆ
ಒಂದು ನೋಟ ಸಾಕಿತ್ತು
ಬೆಟ್ಟೆದ ತುದಿಗೆ ಈ ಜೋರು ಮಳೆಯಲ್ಲಿ
ತೋಯ್ದು ಒದ್ದೆಯಾಗಿ ಗಡಗಡ ನಡುಗುತ್ತಾ
ನಡು ರಾತ್ರಿ ಒಂಟಿ ಮನೆ
ಗುರುತು ಹಚ್ಚಿದ್ದಾನೆ ಹುಡುಗ ಈಗ
“ಹುಡುಗ, ಮೈ ಬೆಚ್ಚಗಾಗಿಸಿಕೋ ಮೊದಲು
ಬೆಂಕಿಯ ಬಿಸಿಯಿದೆ ಒಳಗೆ
ದಣಿದಿದ್ದೀಯೆ
ಮೊದಲು ಮಲಗು -
ಆಮೇಲೆ ಎಚ್ಚರವಾಗುವೀಯಂತೆ”
ಎದುರಲ್ಲಿ ಸುಂದರಕಾಲಿ:
“ಸುಂದರಕಾಲಿ,
ಕೆಂಪುದಾಸವಾಳದ ಆ ಕೊರಳಮಾಲೆ
ರುಂಡಗಳೊಟ್ಟಿಗೆ ಜಗಳಕ್ಕಿಳಿದಿದೆ
ನಾ ಕೆಂಪೆಂದು ನಾ ಕೆಂಪೆಂದು
ಅದ ಕಂಡು ನೀ ಕೋಪಗೊಂಡಾಗ
ಆ ಕಣ್ಣ ಕೆಂಪು
ಜಗವ ಕೆಂಪಾಗಿಸಿದೆ.”