ಮದಗಜದ ಪಕ್ಕದ ಹಕ್ಕಿಯ ಸುಳಿವು
ಸುರುಳಿ ಸುತ್ತಿ ಧೋ ಧೋ ಎಂದದ್ದನ್ನು
ಕೇಳಿದ್ದೇ ಹಚ್ಚ ಹಸಿರಿನ ಕಾಡು
ಕಂಪಿಸಿತು
ಕಾಡು ಹೊತ್ತ ಬೆಟ್ಟ ನಡುಗಿತು
ಸುಗ್ಗಿ ಕಣದ ಮೇಲಿನ
ಪಿಳ್ಳೇರಾಯನ್ನ ಮಾಡಿ ಹೋದವ
ಮರಳಿ ಬಂದಾಗ
ತೆನೆ ತೂರಿತ್ತು – ಜೊಳ್ಳು ಹರಿದಿತ್ತು
ಇಲಿ ಗೂಡು ಕಡಿದು ಭತ್ತ ಹೆಕ್ಕೋ
ಜನ ಕಾಂಬರಿಲ್ಲ
ಕಂಬಾಲ ರಾಯದ ಸಿದ್ಧ
ಯಾಕೋ ಬಾರಲೇ ಇಲ್ಲ
ಇಷ್ಟೇ ಸಾಕಿತ್ತು ಬೆಳೆಸೋದೇಕೆ ಬೇಕಿತ್ತು
ಬಣ ಬಣ ಅನ್ನೋ ಬಕರಿ ಬರೀ ಬಕ ಬಕ
ಎಂಬೋವಾಗ ಅವ ರಾಗ ಎಳೆದ
ಕಾಣೋದಿಲ್ಲೋ ಸಿದ್ಧ ನಿನ್ನಾ ರೂಪ ತಾಪ
ಇಷ್ಟೆಲ್ಲಾ ಆದಮೇಲೂ
ಸುಮ್ಮನೆ ನಗ್ತಾ ಇದ್ದ ಅವ
ಕಾಣೋದ್ಯಾರಿಗೆ
ಕೇಳೋದ್ಯಾರಿಗೆ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ