ಕಂಡನೇನೆ ಅವನು ಅಲ್ಲಿ ನಿನಗೆ
ಉತ್ತರ ಬಾಗಿಲಲ್ಲಿ ಹೋದೆಯಲ್ಲೇ
ಕಂಡಿರಲಿಕ್ಕಿಲ್ಲ ಬಿಡು
ಆ ಬಂಗಾರದ ಗೋಪುರದಲ್ಲೇನೂ
ನೀ ಅಲ್ಲಿದ್ದಾಗ ಅವ ಇಲ್ಲೇ ಇದ್ದ
ನನ್ನ ಪಕ್ಕದಲ್ಲೇ ಬಲು ಸನಿಹದಲ್ಲಿ
ಭಾರವಾದ ಕಿರೀಟವಿಲ್ಲ
ವಜ್ರ ವೈಡೂರ್ಯ ಬಂಗಾರದ ಪದಕಗಳಿಲ್ಲ
ಕಣ್ಣು ಕಾಣದಂತಿಟ್ಟ ಮೂರು ನಾಮವೂ ಇಲ್ಲ
ಅಭಯ ವರದ ಯಾವ ಮುದ್ರೆಯೂ ಇಲ್ಲ
ಹಾಗೇ ಸುಮ್ಮನೆ ಕೂತಿದ್ದಾಳೆ ಆ ಪುಟ್ಟ ಬಾಲೆ
ಕಾಲ ಮೇಲೆ ಕಾಲಾಕಿ ಒಮ್ಮೆ
ಸೊಂಟದ ಮೇಲೆ ಕೈಯಿಟ್ಟು ಮತ್ತೊಮ್ಮೆ
ಆಹಾ ಎಂದು ಜೋರಾಗಿ ನಗುತ್ತಾ ಮಗದೊಮ್ಮೆ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ